Постапка за резервација на .GO Rent возило
Резервација на возило може да се направи на избрана .GO Rent локација, најмалку 24 часа пред преземањето на возилото. Достапни се моделите на возила наведени подолу, кои може да се преземат на наведените .GO Rent локации. По направената резервација, ќе добиете потврда со сите детали за вашиот наем.
Возилото треба да се преземе во избраниот термин за почеток на наемот и да се врати во избраниот термин за завршување на наемот (слично како кај rent-a-car). Доколку дојде до доцнење при враќањето, се пресметува дополнителен ден наем според ценовникот.
Кај моделите со мотор со внатрешно согорување, политиката за гориво е „полно за полно“, односно со иста количина гориво како при преземањето. Дневниот лимит изнесува 200 километри. Секој дополнителен километар над лимитот се наплатува според цената за дополнителен километар во ценовникот.
За самото преземање на возилото не е потребна посета на филијала, бидејќи возилото ќе ве чека на паркинг местата на наведените Avant2Go локации. Наемот (почеток, отклучување, заклучување, завршување) се извршува едноставно преку апликацијата, на сличен начин како кај услугата за споделување возила. Напомена: корисникот може истовремено да има активно изнајмено само едно возило (или во рамки на car sharing, или .GO Rent).
Враќањето и преземањето на возилото се возможни на локациите кои секогаш се наведени во апликацијата во рамки на услугата .GO Rent.
За повеќе информации, ве молиме погледнете ги и следните документи:
Општи услови за користење на електрични возила „Avant2Go“
Правила за користење на услугата „.GO Rent“
Ценовник за користење на Avant2Go возила
Среќен пат и многу уживање во возењето!
МОДЕЛИ НА ВОЗИЛА ВО .GO Rent УСЛУГАТА
(состојба декември 2025 – флотата ќе се надополнува и проширува со развојот на услугата)
ЛОКАЦИИ ЗА ПРЕЗЕМАЊЕ НА .GO Rent УСЛУГАТА
(состојба декември 2025 – локациите ќе се ажурираат според побарувачката)
- Отворете ја Avant2Go апликацијата, каде во долниот десен агол ќе ви се појави копчето „.GO Rent“.
- Ќе се отвори нов прозорец каде ги избирате параметрите за наемот (локација, датум и време на преземање и враќање на возилото).
- Откако успешно ќе ги внесете сите параметри, притиснете на копчето „SEARCH“ и ќе ви се прикажат сите достапни возила за избраниот период.
- Откако ќе го изберете посакуваното возило, продолжете на чекорот за избор на начин на плаќање.
- По успешен избор на начин на плаќање и притискање на копчето „RESERVE & PAY“, доколку плаќањето е успешно, во Avant2Go апликацијата ќе добиете потврда за резервацијата и постапката е успешно завршена.
- Во избраното време за преземање, во апликацијата ќе ви се појави опцијата „OPEN RESERVATION“. Со избор на ова копче преминувате на следниот чекор – наем на возилото. Ќе се прикаже регистарската табличка на резервираното возило, по што притиснете „START RENTAL“.
- Пред користење на возилото, изберете ја состојбата на чистота на надворешноста и отклучете го возилото. Отклучувањето се врши по познатата постапка, преку лизгачот во апликацијата.
- Во избраното време за завршување на наемот, вратете го возилото на претходно избраната локација, заклучете го преку лизгачот, притиснете „END RENTAL“, пополнете ја листата за состојбата на возилото и на крај потврдете го завршувањето со копчето „CONFIRM AND END RENTAL“.